ડોલર સામે રૂપિયો ૮૫.૭૩ની નવી ઓલ ટાઇમ નીચી સપાટીએ, જાણો શા માટે ઘટી રહી છે રૂપિયાની કિંમત?

Rupee is in a Free Fall Against The US Dollar : ઇન્‍ટરબેંક ફોરેન એક્‍સચેન્‍જ માર્કેટમાં રૂપિયો ૮૫.૩૧ પર નબળો ખૂલ્‍યો હતો અને ૮૫.૭૩ની તેની સર્વકાલીન નીચી સપાટીએ વધુ ઘટી ગયો હતો. રૂપિયામાં ૪૬ પૈસાનો ઘટાડો થયો છે, જે એક દિવસમાં સૌથી મોટો ઘટાડો છે. અમેરિકન ચલણમાં મજબૂતી અને વિદેશી મૂડીના સતત પ્રવાહને કારણે શુક્રવારે શરૂઆતના વેપારમાં યુએસ ડોલર સામે રૂપિયો ૪૬ પૈસા ઘટીને રૂ. ૮૫.૭૩ની નવી ઓલ-ટાઇમ નીચી સપાટીએ પહોંચ્‍યો હતો. રૂપિયામાં એક દિવસનો આ સૌથી મોટો ઘટાડો છે છેલ્લો ભાવ ૮૫.૫૨ છે.

► ડૉલરની માંગમાં વધારો થતા મજબુતી વધી

વિશ્‍લેષકોના મતે, મહિનાના અંતે અને વર્ષના અંતે ચૂકવણીની જવાબદારીઓ માટે આયાતકારો તરફથી ડૉલરની માંગમાં વધારો વચ્‍ચે ડૉલર મજબૂત થવાને કારણે સ્‍થાનિક એકમ દબાણ હેઠળ આવ્‍યું હતું. જોકે, વૈશ્વિક ક્રૂડ ઓઈલના ભાવમાં નરમાઈ અને સ્‍થાનિક ઈક્‍વિટી બજારોના સકારાત્‍મક સંકેતોએ ભારતીય એકમમાં ઘટાડો મર્યાદિત કર્યો.

► ઇન્‍ટરબેંક ફોરેન એક્‍સચેન્‍જ માર્કેટમાં ડોલરની સ્થિતિ

ઇન્‍ટરબેંક ફોરેન એક્‍સચેન્‍જ માર્કેટમાં, રૂપિયો ૮૫.૩૧ પર નબળો ખૂલ્‍યો હતો અને ટૂંક સમયમાં ૮૫.૩૫ની તેની સર્વકાલીન નીચી સપાટીએ પહોંચ્‍યો હતો, જે તેના અગાઉના બંધ કરતાં ૮ પૈસાનો ઘટાડો હતો. ગુરુવારે ડોલર સામે રૂપિયો ૧૨ પૈસા ગગડીને ૮૫.૨૭ની રેકોર્ડ નીચી સપાટીએ પહોંચ્‍યો હતો. અગાઉ બે ટ્રેડિંગ સેશનમાં તેમાં ૧૩ પૈસાનો ઘટાડો થયો હતો. ડૉલર ઇન્‍ડેક્‍સ, જે છ ચલણો સામે ગ્રીનબેકની મજબૂતાઈને માપે છે, તે ૦.૦૪ ટકા વધીને ૧૦૭.૯૩ પર ટ્રેડ કરી રહ્યો હતો, જ્‍યારે યુએસ ટ્રેઝરીઝ પર ઉપજ વધી રહી હતી અને ૧૦-વર્ષના બોન્‍ડ ૪.૫૦ ટકાની આસપાસ હતા. વૈશ્વિક ઓઇલ બેન્‍ચમાર્ક બ્રેન્‍ટ ક્રૂડ વાયદાના વેપારમાં ૦.૦૭ ટકા વધીને ઼૭૩.૩૧ પ્રતિ બેરલ થયું છે.

 ► શેરબજારમાં શું સ્થિતિ?

સ્‍થાનિક શેરબજારમાં, સેન્‍સેક્‍સ ૨૦૭.૧૬ પોઈન્‍ટ અથવા ૦.૨૬ ટકાના વધારા સાથે ૭૮,૬૭૯.૬૪ પોઈન્‍ટ પર ટ્રેડ કરી રહ્યો હતો. નિફ્‌ટી ૮૮.૫૦ પોઈન્‍ટ અથવા ૦.૩૭ ટકા વધીને ૨૩,૮૩૮.૭૦ પર હતો. શેરબજારના ડેટા અનુસાર, વિદેશી સંસ્‍થાકીય રોકાણકારો (FII) ગુરુવારે મૂડીબજારમાં ચોખ્‍ખા વેચાણકર્તા હતા અને તેમણે રૂ. ૨,૩૭૬.૬૭ કરોડના શેરનું વેચાણ કર્યું હતું.

► ડોલરમાં મજબૂતી કેમ આવી?

ફેડરલ રિઝર્વે ડિસેમ્બરમાં એક વખત અને આવતા વર્ષે બે વખત વ્યાજના દર ઘટાડવાની જાહેરાત કરી છે. આ ઉપરાંત, ટ્રમ્પના સત્તા પર આવતા ફુગાવા માટેના નિર્ણયો લેવાઈ શકે છે. ફુગાવા માટેની આ શક્યતાઓના કારણે ડોલર ઈન્ડેક્સ વધુ મજબૂત બન્યો છે. નવેમ્બરમાં દેશની રાજકોષીય ખાધ 37.8 અબજ ડોલરના રેકોર્ડ સ્તરે પહોંચી હતી, જેના કારણે ડોલર સામે રૂપિયો વધુ નબળો પડી ગયો છે.

Home Page- gujju news channel - Latest Gujarati News, તાજા ગુજરાતી સમાચાર, Latest Gujarati News LIVE, Online Gujarati News, Gujarati news headlines today, Gujarati News - Why Rupee is in a Free Fall Against The US Dollar - ડોલર સામે રૂપિયો ૮૫.૭૩ની નવી ઓલ ટાઇમ નીચી સપાટીએ, જાણો શા માટે ઘટી રહી છે રૂપિયાની કિંમત